* NEIEGKEETEN *

__________________________________________________________________________________

* Iwwert 2 JOER KRICH an der UKRAIN *

Denkt un d'ukrainescht VOLLEK, dat, nach ëmmer, ënnert dësem brutalen an ongerechte Krich leide muss.

* DIREKT dëse grausame KRICH STOPPEN!

* ËNNERSTËTZT d'ukrainescht Vollek!

__________________________________________________________________________________

I N F O --- I N F O --- I N F O

----------------------------------------

Nei T-SHIRTEN fir d'Jugendequippen

De Kommitee vum 'HB Péiteng' an de Sposor 'NIA DOMO', vertrueden duerch den Här Eldin SOFTIC, haten den Dënschdeg 30. Abrëll 2024 all d'Jugendspiller a -spillerinnen op d'Iwwerreechung vun neie T-shirten agelueden.

Jiddereen kruet ee gielen T-shirt an eng Titchen.

De President Jean-Claude Muller huet den aktive Memberen de Sënn vun dëser Aktioun erklärt an si opgefuerdert dësen T-shirt bei jidder Geleegenheet ze droen, besonnesch fir d'Matcher an Turnéieren. Si weisen jidderengem esou, dat et an der Gemeng Péiteng een Handball Club gëtt an dat si aktive Member an dësem Veräin sinn.

Hien huet sech zum Schluss beim Sponsor, der 'Agence Immobilière NIA DOMO', fir dës flott Aktioun bedankt an dem Tom Molitor an dem Brigitte Knotek, déi fir d'Organisatioun vun dësem Fest zoustänneg waren, an dem Fotograf Mick Linden ee grousse MERCI ausgesprach.

Grouss HBP-FLYERAKTIOUN an alle Schoulklassen vun der Gemeng Péiteng

De Comité vum 'HB PÉITENG' huet, mat der Erlaabnis vum Schäfferot vun der Gemeng Péiteng, eng grouss FLYERAKTIOUN an alle Schoulgebäier vun der Gemeng gestart .

D'Schoulkanner aus allen Zyklen kréien dëse Flyer ausgedeelt.

De Flyer soll d'Schoulkanner fir d'Handballspill interesséieren an och Publizitéit fir den 'HB Péiteng' a fir den Handballsport am Allgemenge maachen.